Zum Anhören und -schauen: Die Möschtijallen singen das "Karussellchesleed"

Beim Festkonzert zum 90jährigen Jubiläum des Männerchors Quirrenbach am 10. November 1996 sang der Singkreis Möschtijall unter anderem das Alt-Kölner "Karussellchesleed". Es erzählt, wie es in früherer Zeit auf dem Pferdekarussell, der Hauptattraktion der Kirmes, zuging:

"Ihr Hären un Mamsellcher,
kutt her vun fäns un noh,
der Mann me’m Karussellche,
Pitt-Jüppchen, dä ess do!
Pitt-Jüppchen drieht am Rädche,
sing Frau, die schleiht de Trumm,
de Urjel hält Janettche
un Settche die Lavumm.
Jedes Pädche kritt ne Jung,
Füssche, Schimmel, Bläß vo Brung.
Tschimmla, tschimmla, hoppsassa,
tschimmla tschimm, Partie!

Wann Kirmes oder Maat ess,
dann kütt der Pädchesmann
met singer gröne Wagekess
en jedem Dörpche ahn.
Druss lore wie de Pürke
de Köpp un och de Stätz
vun all dä hölze Stirke,
wie laach uns do et Hätz!
Kinder, Va un Ühm un Möhn
rofe, juhzen: Och, wie schön!
Tschimmla, tschimmla, hoppsassa,
tschimmla tschimm, Partie!

Wer nor en Geiß em Ställche
un noch su ärm es drahn,
muss Kirmesweck un Geldche
doch für de Pädche han!
Dann, süht hä dat Vergnöge,
wat et de Kinder mäht,
su duruch de Looch zo fleege
op ehrem hölze Päd,
tricke dä Ahl der letzte Fuss
us däm Wammes noch erus.
Tschimmla, tschimmla, hoppsassa,
tschimmla tschimm, Partie!

Do sitz als wie ‚ne Ritter
un hinger sich de Mäd
der Meisterknääch, der Pitter,
gar stolz op singem Päd.
Se hält in fass ömschlunge,
hä stich met singer Lanz
vör alle andre Junge
grad meddsen dorch de Kranz.
Un dat Kohstalls Annemarie
juhz un hält der Pries en de Hüh.
Tschimmla, tschimmla, hoppsassa,
tschimmla tschimm, Partie!

Hät Jüppche voll et Büchsje
un ess de Kirmes uus,
spazeere Schimmel, Füssje
fruh en ehr hölzen Huus.
De Junge un de Mädcher
sin dröm wahl ärg bedröv,
bes Jüppche met de Pädcher
zum Avschied inne röf:
'Kumm’n ich widder met Bläss un Brung,
hät jed’s Mädche singe Jung!'
Tschimmla, tschimmla, hoppsassa,
tschimmla tschimm, Partie!"

(Joseph Roesberg, 1824 - 1871)


Zum Anschauen und -hören den Link unten anklicken.

Die Veröffentlichung der Videoaufnahme geschieht mit freundlicher Genehmigung ihres Autors Hans Rudolf Lichtenberg.