Der Chressbom

En Dänneböumchen stond em Bösch
un drömp, dat et su jeern ens möch
ne staatse Weihnachtsboum ze senn
op Hellichovend in nem Zemmer drenn. 

Do säht die Nohpich Nordmannstann:
„En Chressboum werden nur der kann,
der strack un schlank – wie ich….kurzum
un net wie Du…so scheef un krumm!“

Dat jing däm Böumchen wie en Mäzz
deep hinein ins Dännenhäzz.
Et knaatsch un daach en senger Peng:
„Dann kann ich nömmer Chressboum senn“

Op eenmol wutt et duud verschreck
uss sengem Leed jäh opjeweck,
weil ne Bapp met sengem Jong
an em scheinbar Jefallen fong.

Dat Jüppchen reef et laut eruhs:
„Do ess der richtige Boum für uhs,
naturjewahßen…pass der perfek
nävven dat Schaaf en de Wonnzemmereck!“ 

Su stond op Hellichovend dann
en stolze, jlöckliche Weihnachtstann
festlich jeschmück….wie me sonst keine find
zwischen Schaaf und der Krepp met däm Jesuskind. 

Dat Jesuskindche wor janz baff,
beluurt sich dän Boum erop un eraff
jriemelt un reef hocherfreut:
„Kleider machen wirklich Leut!“