"Der 2. Löschzug"

In ihrem launigen Gedicht bringt Christel Bäßgen die Unentbehrlichkeit der Feuerwehrfrauen mit deutlichen Worten zum Ausdruck.

Der 2. Löschzug

Die Feuerwehr, bei aller Ehr,

wenn der 2. Löschzug net wär?

Mir hüren zwar öfter: Wat wollen die Wiever?

Die sollen doch doheem blieven.

Ävver wenn et brennt on ertönt die Siren,

wer löf dann un höllt die Saachen beieneen?

Wer sit, ob der Helm setz richtich em Lot,

schmert schnell dämm Mann noch e Butterbrot

un sorch, dat er am Brand es en Blitzesschnelle?

Der 2. Löschzug ist immer zur Stelle!

Wer wäscht nohm Brand die verroochte Monture,

wenn Heu un Strüh affjebrannt bei de Buure

oder nohm Öleinsatz stinken derart,

als hätten se en Tankstell met heemjebraat.

Oder wenn ab und zu janz unjebeten

der Vater Rhein aus seinem Bett jetreten,

janz Königswinter im Schlamm ersäuft,

der Unrat sich zu Bergen häuft,

wer lobt dann der Männer hilfreiche Tat?

Der 2. Löschzug ist immer auf Draht!

Wer hilft nohm Wolkenbruch Wasser scheppen,

wer pack met an, öm Möbel ze schleppen,

wer laatsch durch dat Wasser, hät de Höhner jerett,

denk an't Kappesdöppen on der Oma ihr Bett?

On hüren ech och e paar lächerliche Stimmen,

der 2. Löschzug kann och schwimmen.

Wer bügelt vür'm Fest die "Ausgehbotzen"?

Wer hält "em" der schwere Kopp für ze kotzen?

Wer hilf tapfer drinken der fiese Schabau,

dat er arme Mann net wit esu blau?

Ihr seht, wer he janz unentbehrlich es,

et es der 2. Löschzug - janz jewess!

On wid jefiert, senn mir och jern dobei,

met Leedche,  Würschje, Erpelschloot on Krätzje alt on neu,

wat wollt ühr do bloß ohne us Schätzchen,

dat jehürt doch dobei wie zum "Ditzchen" dat "Lätzchen"!

Mir sen net stur on och keen lahm Enten,

der 2. Löschzug hät jroße Talente.

Un et es keen Jeheimnis, woröm ze Plees

keen Feuerwehr op de Been ze brängen es.

Stadtväter dachten, et wör jedonn met e paar Purschten,

die für ze suffe ze kniestich und leever verdurschten,

für vell Jeld ene "ale" Wagen koofen,

ävver keen Pättche un keen Jöört für dat Fahrzeug ze doofen.

Saat selbst, die können doch net organisieren,

sollen es no Uthwieler komme, do können se et lieren.

Denn vor allem fählt dennen die "Krone",

der 2. Löschzug, denn et jeht net do ohne!

                                                             Christel Bäßgen