Die Weihnachtsbäume ereilt ihr trauriges Schicksal

... nach den Festtagen - wie hier in Wahlfeld. "Zweschen Daach un Düster" warten sie auf die Müllabfuhr.

In einem Gedicht ließ der große Kölner Mundartlyriker Peter Berchem (1866 - 1922) einen der Betroffenen sein Leid klagen:

Chreßbaumsleid*

Nu ligen* ich bei Schott un Scherve,

Vörüvver eß dä schönen Draum;

Mer liet mich sterven un verderve,

Un wor doch su ‘ne staatsen Baum!

Wor dat en Freud en alle Stroße,

Wie‘t heesch, de Chreßbäum wören do!

De Kinder Schull un Spill vergoße

Un leefen bes noh‘m Maat uns no.

Ich woot wie all ming Kamerade

Verkauf un en en Hus gebraht,

Met leckere Saache schwer belade,

Met bunkte Kralle** fing gemaht.

Un wie vum Toon de Klocke klunge,

Do stund ich do en Glanz un Praach,

Un all de Augen an mer hunge

Beim Leedche vun der hellige Naach.

Ich dorf noch off mich präsenteere

En minger Staat vör jungk un ald,

Bes dat ich Nodelen dät verleere,

Do woren och ming Dag gezallt.

No ligen ich bei Schott un Scherve,

Vorüvver eß dä schönen Draum,

Mer liet mich sterven un verderve,

Un wor doch su ‘ne staatsen Baum!

Su heisch et männichmol och em Levve,

Wann Do Ding Schöldigkeit gedonn

Un Deer der Avscheed weed gegevve,

Grad wie beim Baum: „Der Mohr kann gonn!“

Doch muß Do dann nit kühme, klage,

Un wann et hee un do och fählt,

Muß stolz un stell Die Krützgen drage;

Denn Undank eß der Luhn der Welt!

Anmerkungen:

* Im Kölner Dialekt wird das geschriebene ei nicht wie ai ausgesprochen, sondern wie e und i. - Das geschriebene g spricht man als j aus.

** bunkte Kralle = bunte Perlenketten (Kralle – Koralle)